Owen: Isha më i miri në botë, do të preferoja më mirë të kisha thyer këmbën sesa…
Michael Owen ka dhënë një intervistë shumë interesante për gazetën angleze Daily Mail, 20 vite pasi fitoi Topin e Artë në karrierë për herë të parë dhe të vetme. Në 2001-in sulmuesi i talentuar anglez me Oëen që në atë periudhë ishte vetëm 21-vjeç mposhti konkurencën e Raul Gonzales dhe Olivier Kahn.
“ Mendoja se do të fitoja të tjerë Topa të Artë, pasi të parin e fitova që në moshën 21-vjeçare. Megjithatë nuk mund ta dija që dëmtimet e shpeshta do të kompromentonin aq shumë karrierën time. Është e trishtë të mendosh që njerëzit më mbajnë mend që nga mosha 25-vjeçare e pas, vetëm sepse kisha emrin Oëen mbi shpinë por nuk isha asnjëherë Michael Oëen i vërtetë. Kisha mentalitetin e një prej futbollistëve më të mirë në botë, por fiziku im më zhgënjente gjithnjë e më shumë, ishte një torturë e vërtetë. Nga mosha 10 deri në 17-vjeç, isha më i forti në botë. Në moshën 18-vjeçare shënova në një Kupë Bote, 21-vjeç fitova Topin e Artë, më pas këputa tendinën dhe ishte dëmtimi më i keq që pësova në karrierën time. Gjuri u bë pika më e dobët e trupit tim, do të doja të kisha thyer një këmbë më mirë, sesa të kisha problem të përhershme me gjurin”, deklaroi Michael Owen.
