Pandev: Të lumtur me konfirmimin e trajnerit, tani të grumbullojmë pikë
Pas dy paraqitjeve mjaft të mira me Maqedoninë e Veriut në eliminatoret e Euro 2020-ës, sulmuesi veteran Goran Pandev është rikthyer te klubi i Genoas, ku ka nisur stërvitjen në kuadër të ndeshjes në transfertë ndaj Parmës dhe asaj në shtëpi ndaj Brescias.
Sulmuesi maqedonas deklaroi se është mjaft i lumtur që u konfirmua trajneri Andreazzoli në stol, duke shtuar se i gjithë grupi është i bashkuar dhe se tani do të kërkojë rikthimin te suksesi dhe pikët e munguara.
“Jemi shumë të lumtur që u konfirmua Andreazzoli dhe tani duam të kthejmë faqe e të grumbullomë pikë. Në fakt kemi luajtur mirë, por edhe në ndeshjen e fundit ndaj Milanit, kemi humbur për dy gabime tonat. Tani shpresoj të kem më shumë hapësirë dhe të ndihmoj skuadrën të rikthehet te suksesi”, tha sulmuesi Pandev.
