Para një viti nuk e donte, tashmë e ngreh në qiell, ja për e ka Guardiola!
I lumtur për fitoren në sfidën ndaj Liverpoolit, trajneri spanjoll i Manchester City-it nuk i kurseu elozhet për skuadrën dhe për një lojtar në veçanti. Pep Guardiola foli me superlativa për Sergio Agueron autorin e golit të parë ndaj The Reds. Një vit më parë ish trajneri i Bayernit nuk e donte në skuadër argjentinasin dhe Aguero ishte gati të largohej por tashmë gjërat kanë ndryshuar për mirë me 30-vjeçarin që është zgjedhja e parë e Guardiolës në sulmin e Citiziens, me Gabriel Jesus që në shumicën e ndeshjeve është i detyruar të ngrohë stolin.
“Kemi shumë nevojë për Sergio Aguero-n në këto ndeshje, cilësia e tij bën diferencën. Ai e ka bërë këtë gjatë gjithë karrierës së tij dhe ai finalizim ishte i mrekullueshëm. Liverpool nuk pëson gola dhe ne shënuam dy.Nëse do të kishim humbur, do të kishte qenë shumë e vështirë. Por tani jemi katër pikë larg tyre dhe ata janë kryesuesit. Duhet të luftojmë shumë, por kjo fitore na jep shumë besim”, ka përfunduar Guardiola.
