“Pazari” i City-t, e shet brazilianin më shtrenjtë nga ç’bleu Haalandin
Gabriel Jesús kushton 65 milionë euro. Kështu e ka vlerësuar Manchester City, siç raporton ESPN, që siguron gjithashtu se Arsenali po mendon të nënshkruajë me sulmuesin brazilian pasi ka mbajtur kontaktet e para me Citizens, por kuptohet ende nuk është arritur marrëveshja.
Siç zbulojnë të njëjtat informacione, skuadra londineze mendon se kërkesa e City-t është shumë e lartë, duke pasur parasysh që Gabriel Jesúsit i përfundon kontrata në vitin 2023, pra i ka mbetur vetëm një vit.
Manchester City pagoi klauzolën e largimit prej 60 milionë eurosh të Haalandit nga Borussia e Dortmundit, një shumë më e ulët nga ajo që Citizens kërkojnë për Gabriel Jesús. Një sulmues që vazhdon t’i pëlqejë Pep Guardiolës, por që nuk do të gjejë pengesa për t’u larguar nga trajneri katalanas.
