Përsëritet historia, Xavi po bën me Piquen atë që Luis Enrique bëri me të
Luis Enrique dhe Xavi ishin shokë skuadre te Barça për gjashtë sezone. Pas një kohe, spanjolli u bë trajner. Në atë kohë, Xavi ishte 34 vjeç dhe po mendonte nëse do të vazhdonte në Camp Nou apo do të provonte aventura të tjera.
Luis Enrique, pak para fillimit të sezonit, e kapi dhe i tha: “Këtë vit nuk do të jesh titullar i padiskutueshëm”.
Luis Enrique i tha Xavit se do të luante shumë më pak dhe e pyeti nëse ishte i gatshëm ta pranonte pa u mërzitur.
Xavi u përgjigj: “Ti më njeh, nuk do të jem kurrë problem”.
Ai qëndroi, Rakitic zuri vendin e tij, por Xavi përfundoi duke luajtur 31 ndeshje në ligë dhe duke ngritur Champions League në Berlin si kapiten. Jo vetëm që nuk u bë problem, por Xavi ishte pjesë e zgjidhjes duke ndërmjetësuar mes Luis Enriques dhe Messit. Ndoshta duke kujtuar atë episod, diçka e ngjashme ka ndodhur tani. Xavi dhe Pique ishin shokë skuadre për shtatë sezone.
Tani, Xavi Hernandez është trajneri i qendërmbrojtësit. Pique është 35 vjeç dhe trajneri është treguar i mirëkuptues me të. Në bisedën e 2 qershorit, Xavi ka falënderuar Gerardin për përpjekjet që ka bërë sezonin e kaluar, duke luajtur me dhimbje dhe në prag të lëndimit dhe e ka paralajmëruar se këtë vit nuk do të ketë gjithmonë rolin e titullarit.
Pique do të qëndrojë për të ndihmuar dhe nuk do të heqë dorë edhe nëse do të jetë zëvendësues në ndeshjet e mëdha.
