Plani i Realit të Madridit, Haaland qëndron edhe një vit te Dortmundi, pastaj…
Reali i Madridit i ka kërkuar Erling Haalandit që të qëndrojë edhe një vit te Borussia Dortmundit, më pas t’u bashkohet “Los Blancos” në verë të vitit 2023. Kjo u raportua në Gjermani nga gazeta “Ruhr Nachrichten”.
Sulmuesi norvegjez, i kërkuar nga shumë klube, përfshirë Barcelonën dhe Paris Saint Germain, duhet të vendosë për fatin e tij në ditët në vijim. Sipas medieve iberike, interesimi i Realit për Haalandin është ftohur në periudhën e fundit, ndërsa tashmë ka marrë formë kjo hipotezë e re. Klubi madrilen po studion planin për ta blerë norvegjezin në vitin 2023, vit i cili përkon me skadimin e kontratës së Karim Benzemasë.
Pavarësisht kësaj, Haaland, i cili duket se i ka dhënë Realit një lloj përparësie, sërish do të preferonte të lëvizte gjatë afatit kalimtar të verës së ardhshme.
