Plot gjashtë gola në Champions, Enea Jorgji akordon penallti për Juventusin
nga
Postuar ne
Enea Jorgji u përzgjodh për të gjykuar ndeshjen e UEFA Youth League mes ekipeve U19 të Juventusit dhe Zenitit.
Takimi ishte i mbushur me gola, bardhezinjtë italianë fituan 4-2 dhe siguruan kualifikimin në raundin tjetër.
Goli i parë erdhi pas çerek ore lojë. Arbitri shqiptar akordoi një penallti për Juventusin, që u kthye në gol duke zhbllokuar ndeshjen.
Juventusi e mbylli pjesën e parë në avantazh të trefishtë, ndërsa u realizuan edhe tre gola të tjera në fraksionin e dytë të ndeshjes.
Jorgji nxorri plot gjashtë herë nga xhepi kartonin e verdhë, ndërsa kishte si ndihmës Dojando Myftarajn dhe Xhulio Manin.
