Plotësohet stafi teknik i Kastriotit, Kuli zyrtarizohet ndihmës i Çelës
Emiliano Çela e ka filluar shumë mirë aventurën e parë si trajner. Ish-mbrojtësi mori drejtimin e Kastriotit më 23 dhjetor dhe në dy ndeshjet e para ka marrë 4 pikë pas suksesit 2-0 ndaj Teutës dhe barazimit pa gola me Partizanin.
Ekipi krutan po lufton për të siguruar qëndrimin në Abissnet Superiore, teksa është përforcuar stafi teknik i Çelës. Pjesë e Kastriotit është bërë edhe Bekim Kuli, i cili do të mbajë postin e zv trajnerit të skuadrës.
39-vjeçari nga Kavaja ka një eksperiencë të madhe si lojtar në futbollin shqiptar, teksa ka punuar më parë si ndihmës i Dovedan tek Bylisi. “Bekim Kuli i është shtuar së fundmi stafit teknik të skuadrës në postin e zëvendës trajnerit. Mirësevjen”, shkruan Kastrioti në faqen zyrtare.
Kuli u pa në pankinë ditën e djeshme përkrah Çelës në barazimin 0-0 ndaj Partizanit në “Elbasan Arena”. Kastrioti vijon të renditet në vend të fundit në kampionat dhe takimin e radhës e luan përballë Vllaznisë në shtëpi.
Quiz: Premier League
Nëse jeni fans i futbollit anglez dhe ndiqni ndeshjet e tij, atëherë me siguri që do të dini edhe përgjigjet e quiz-it të mëposhtëm...
