Po shkëlqen tek Atalanta, Ancelotti e do mbrojtësin te Real Madrid
Real Madrid po monitoron me kujdes Merih Demiral. Mbrojtësi turk u huazua verën e kaluar nga Juventusi tek Atalanta. Zikaltrit paguan 3 milionë euro, teksa do të kenë mundësinë për të blerë kartonin e tij për shumën e 28 milionë eurove.
24-vjeçari po zhvillon paraqitje shumë të mirë me ekipin e Gasperinit. Performancat e tij kanë tërhequr vëmendjen e Realit dhe Carlo Ancelottit sipas raportimeve të Calciomercato.
Një qendërmbrojtës i ri është përparësia kryesore për “Los Blancos” përpara sezonit të ardhshëm. Media italiane thekson se drejtuesit e Realit do të duhet të shpenzojnë rreth 50 milionë euro për të bindur Atalantën.
Emrat e tjerë që lidhen me prapavijën janë Antonio Rudiger (Chelsea) dhe Lucas Hernandez (Bayern Munchen). Mbrojtësi gjerman i ekipit londinez del lojtar i lirë në fund të sezonit dhe agjenti i tij ndodhet në bisedime të vazhdueshme me Realin.
Sa e njihni La Ligën?
Testoni njohuritë tuaja mbi kampionatin spanjoll...
