“Pres edhe një dhuratë”, Interi gati t’i plotësojë dëshirën e fundit Inzaghit
“Pres edhe një mbrojtës për të zëvendësuar Andrea Ranocchian”, deklaroi Simone Inzaghi përpara sfidës së fituar në Lecce, që i siguroi Interit suksesin e parë në kampionat.
Drejtuesit e klubit janë gati t’i plotësojnë dëshirën trajnerit dhe janë fokusuar te Manuel Akanji. 27-vjeçari zviceran ka edhe një vit kontratë me Borussia Dortmund.
Gjermanët kërkojnë 20 milionë euro për kartonin e qendërmbrojtësit, i cili dëshiron të provojë një aventurë të re pas 3.5 viteve në “Signal Iduna Park”.
Zikaltrit nuk mund të paguajnë shumën për momentin dhe po tentojnë huazimin e tij. Nëse verdhezinjtë gjermanë pranojnë huazimin e tij, Akanji është gati të rinovojë deri në vitin 2024.
Lojtari numëron 41 ndeshje me kombëtaren e Zvicrës, trajneri Inzaghi e vlerëson shumë dhe ditët e ardhshme pritet të sjellin akordin e transferimit të tij në Serie A.
TESTONI NJOHURITË TUAJA RRETH PREMIER LEAGUE
QUIZ/ Premier League 2021-2022 – Sa mirë e kujtoni sezonin që sapo u mbyll?
