Probleme me apendicitin, operacioni i mbrojtësit të Kombëtares del me sukses
Kastriot Dermaku ka kryer një ndërhyrje kirurgjikale ditën e diel. Mbrojtësi i kombëtares shqiptare, është pjesë e Lecce në Serie B, ekip me të cilin ka shënuar një gol në dhjetë ndeshje gjatë këtij sezoni.
30-vjeçari ka vuajtur nga apendiciti akut (dhembja e menjëhershme dhe e madhe e zorrës qorre). Lojtari dardan ka kryer një operacion që ka shkuar shumë mirë, siç konfirmohet edhe nga komunikata zyrtare e klubit.
“Lecce njofton se futbollisti Kastriot Dermaku iu nënshtrua një operacioni urgjent mëngjesin e djeshëm në spitalin “Veris delli Ponti” në Scorrano, për një atak apendiciti akut. Operacioni rezultoi me sukses”.
Qendërmbrojtësi shtatlartë debutoi me kombëtaren e Shqipërisë në tetorin e vitit 2018, dhe deri tani numëron 13 ndeshje dhe një gol me kuqezinjtë.
Quiz/ Sa mirë e njihni Ligue 1?
