Protesta në Bosnjë: lojtarët ulen në fushë kundër gjyqtarit!
Përveç spektaklit dhe golave në ligat më të mëdha europiane, kjo fundjavë u karakterizua edhe nga një ngjarje e pazakontë; nga ato që rrallë shihen në fushat e lojës.
Në derbin ndërmjet Zvijezdas dhe Bosna Visoko në Kategorinë e Dytë boshnjake, të zemëruar nga vendimet e arbitrit, lojtarët miq vendosën që në minutat e fundit të mos e vazhdonin ndeshjen.
Pas konsultës me trajnerin dhe stafin teknik, futbollistët e Bosna Visokos zgjodhën të mos e përfundonin një ndeshje, ku të gjitha episodet ishin kundër tyre, sepse mendonin se arbitri po i dëmtonte qëllimisht.
Por, nëse braktisja e fushës mund të shoqërohej me penalitete të rënda, si për individët ashtu edhe për ekipin, lojtarët zgjodhën që protestën e tyre ta bënin thjesht duke u ulur në fushë, ndërsa po humbisnin 1-0.
Pavarësisht se rivalët qëndronin të palëvizshëm në fushë, futbollistët e ekipit vendas vazhduan lojën, madje duke shënuar edhe golin e dytë dhe të tretë. Imazhet e protestës së Bosna Visokos, por edhe mungesa e “fair playt” nga ekipi i Zvijezdas bën xhiron e Europës, ndërsa tashmë Federatës së Bosnjës i duhet të marrë një vendim jo vetëm për ngjarjet në fushë, por edhe për akuzat për korrupsion drejtuar arbitrave të ligave të ulëta.
