Pse Papa Francesku bën tifo për Realin sonte…
Liverpooli dhe Reali i Madridit do të përballen mbrëmjen e sotme në Kiev të Ukrainës, ku do të diskutojnë trofeun e Ligës së Kampionëve. Orët e fundit në rrjetet sociale kanë filluar të qarkullojnë disa rastësi të çuditshme, të cilat me siguri që do të bëjnë Papa Franceskun të lutet për triumfin e Realit të Madridit sonte.
Kjo pasi Liverpooli ka fituar Championsin 5 herë deri tani, në dy prej të cilave ka rastësi të frikshme.
Kështu në vitin 1978, ‘The reds’ kanë fituar Ligën e Kampionëve, ndërsa në të njëjtin vit është martuar Princi i Kentit, Michael, si dhe është ndarë nga jeta Papa Joao Paulo.
Edhe në vitin 2005, ku Liverpooli fitoi atë finale të çmendur kundër Milanit, pati një dasmë mbretërore, pasi u martua Princi i Uellsit, Charles, ndërsa rreth dy muaj para finales, më 2 Prill 2005 kishte humbur jetën Papa gjon Pali II.
Tani jemi në vitin 2018 dhe kemi pasur dasmën mbretërore të Princit Harry me Meghan Markle. Mbrëmjen e sotme do të përcaktohet edhe fituesi i Ligës së Kampionëve, që nëse do të jetë Liverpooli, do të ‘trembë’ ata që besojnë në koicidenca të tilla.
