Qeveria australiane kërcënon Djokovicin: Pa një shpjegim të argumentuar, nuk futesh në vend i pavaksinuar
Qeveria australiane i ka kërkuar shpjegim numri 1 të botës në tenis, Novak Djokovic, i cili ka shmangur rregullat e kontrollit mjekësor me një vendim përjashtues për të marrë pjesë në Australian Open, që është Grand Slami i parë i vitit.
Pjesëmarrja e tij në këtë event të rëndësishëm të tenisit mbetet ende në dyshim, pasi ende nuk dihet se cili është statusi i tij i vaksinimit.
“Nëse nuk është i vaksinuar, do të duhet të ofrojë prova të pranueshme se nuk mund të vaksinohet për arsye mjekësore, në mënyrë që të mund të udhëtojë në të njëjtat kushte si personat e vaksinuar. Nëse kjo provë nuk mjafton, do të trajtohet si gjithë të tjerët (të pavaksinuar), deklaroi kryeministri i Australisë, Scott Morrison, gjatë një konference për shtyp.
Ndërsa Minsitrja e Brendshme, Karen Andreës, kujtoi se janë autoritetet australiane ato që do të vendosin përfundimisht nëse do ta lejojnë Djokovicin të hyjë në vend. Nëse arsyeja e përjashtimit të tij nuk konsiderohet e pranueshme, numri 1 i botës mund t’i refuzohet hyrja në Australi.
“Nëse qeveria e shtetit të Victorias dhe Federata Australiane e Tenisit mund të lejojnë një lojtar të pavaksinuar të marrë pjesë në Australian Open, është qeveria federale ajo që zbaton rregullat tona në kufijtë e jashtëm”, – kujton Karen Andrews.
