Ronaldo snobon mediat: Tjetër gjë them, tjetër gjë shkruani!
Cristiano Ronaldo u shfaq i çliruar psikologjikisht pas dygolëshit të shënuar në fitoren 0-6 të Realit të Madridit ndaj Apoel Nicosias në Champions. Teksa po kalonte në zonën mix, ku e priste një numër i madh gazetarësh, portugezi sulmoi mediat, duke i akuzuar se keqinterpretojnë fjalët e tij:
“Unë them një gjë dhe ju shkruani diçka tjetër. E si mund të më kërkoni që të flas!”
CR7, i referohet në këtë rast deklaratës së tij se “Reali i këtij sezoni ka më pak cilësi se ai një viti më parë.” Pikërisht ky interpretim nga mediat kishte përfshirë në debat Sergio Ramosin, i cili reagoi: “Nuk jam dakord me Cristianon”. Kjo përgjigje e Ramosit ishte shkak për një marrëdhënie të krisur mes të dyve. Gjithsesi, futbollistët e tjerë të Realit, por edhe trajneri Zidane, kanë siguruar se mes dy “ikonave” të “Los Blancos” gjithçka është “ok”.
