Rossi-Marquez, nuk shuhen polemikat, akuza të ndërsjellta
Valentino Rossi dhe Marc Marquez nuk do të jenë më kurrë miq. Incidenti në Çmimin e Madh të Argjentinës provokoi polemika të mëdha. Italiani nuk pranoi që spanjolli t’i afrohej për t’i kërkuar ndjesë e më pas e akuzoi, duke e quajtur një pilot që rrezikon jetët e kolegëve të tij.
Megjithëse kanë kaluar thuajse dy javë, gjakrat ende nuk janë ftohur dhe debati mes të dyve ka vijuar në komisionin për sigurinë që i paraprin garës së Teksasit. Ka qenë katalansi në këtë rast ai që ka akuzuar i pari:
“Kemi mësuar nga ty të bëjmë këto veprime në garë”.
Përgjigia e 9 herë kampionit të botës ka qenë e menjëhershme
“Po mundohesh të më karahasosh mua me veten?! Unë kam rrëzuar 4 pilotë në 20 vjet, ti 5 në një garë të vetme”.
Lufta mediatike mes të dyve u ndez në Çmimin e Madh të Malajzisë më 2015-ën, kur Rossi po luftonte me Lorenzon për titullin kampion dhe pati një kontak me Marquez, duke e nxjerrë spanjollin jashtë gare. Drejtuesit e Dederatës Ndërkombëtare të Motoçiklizmit e penalizuan Valentinon që për rrjedhojë humbi duelin për titull. Në këto 2 vite marrëdhënia mes tyre u duk se pos shkonte drejt përmirësismit deri në Çmimn e Madh të Argjentinës, ku erdhi incidenti që ka mbyllur përfundimisht çdo kontakt njerëzor mes kampionit aktual të botës, Marquez, dhe një prej më të mirëve në histori, Valentino Rossit.
