Rrezikohet rrëzimi, klubi i famshëm insiston për ish-trajnerin e Kombëtares
Stuttgart shkarkoi trajnerin Pellegrino Matarazzo pas humbjes shtëpiake ndaj Union Berlin. Ekipi i njohur po kalon një moment të vështirë dhe për momentin renditet në vendin e parafundit në Bundesliga.
Drejtuesit e klubit nuk po nxitohen për të zgjedhur teknikun e ri, pasi po synojnë afrimin e një emri të madh. I preferuari i madh është Joachim Low, i cili qëndron pushim prej korrikut të vitit të kaluar kur i dha fund aventurës 15-vjeçare në krye të kombëtares gjermane.
Emri i 62-vjeçarit është lidhur edhe më parë me pankinën e Stuttgartit, por ai e ka refuzuar këtë mundësi. Gjithsesi, drejtuesit e klubit gjerman vijojnë të insitojnë për të bindur Low të pranojë propozimin e tyre.
Nëse arrihet akordi do të bëhej fjalë për një rikthim në stolin e Stuttgartit pas 24 vitesh, pasi Joachim Low drejtoi “The Reds” në periudhën 1996-1998.
Kur ishte trajneri i Stuttgartit
