Rudiger ndihet “i ofenduar” nga Chelsea, destinacioni i ardhshëm i përcaktuar
Antonio Rudiger ka krijuar bindjen e plotë se nuk është trajtuar në mënyrën e duhur nga drejtuesit e Chelsea-t, për këtë arsye në përfundim të sezonin ai do të largohet nga skuadra londineze, pasi nuk ka pranuar të rinovojë kontratën. Bayerni i Munihut është i gatshëm t’i ofrojë qendërmbrojtësit 12 milionë euro në vit, shumën të cilën nuk ia garantoi Chelsea.
Aktualisht, gjermani fiton 6 milionë euro në vit dhe gjatë negociatave Chelsea nuk ofroi më shumë se 8.5 milionë. Pikërisht kjo ofertë e Chelsea-t është konsideruar në njëfarë mënyrë fyese nga lojtari dhe përtej dëshirës së tij për të qëndruar në Londër, divorci duket i pashmangshëm.
Pas më shumë se katër sezonesh në kryeqytetin anglez, ish-lojtari i Stuttgartit ndihet mirë në klub dhe në kryeqytetin anglez, por vlerësimi i ulët nga drejtuesit e Chelsea-t e detyron të largohet.
Sipas “Bild”, klubi bavarez mund ta përballojë lehtësisht pagën prej 12 milionë eurosh në vit që kërkon Antonio Rüdiger.
