Sergino Dest, zyrtarisht futbollist i Barcelonës
Barcelona ka zyrtarizuar këtë të enjte blerjen e Sergiño Dest, 19 vjeçarit që vjen nga Ajaxi i Amsterdamit. Pas uljes në aeroportin “El Prat”, të martën e kaluar, dhe pasi kaloi ekzaminimin përkatës mjekësor dje, në “Ciutat Esportiva” dhe “Hospital de Barcelona”, klubi “blaugrana” ka nënshkruar për pesë sezone me anësorin e ri.
Pas disa javësh negociata, më në fund marrëveshja midis ekipit katalan dhe atij holandez për mbrojtësin amerikan është mbyllur për 21 milionë euro plus 5 në forma të ndryshme, në varësi të objektivave të arritura nga 19-vjeçari te Barça.
Dest konsiderohet blerja e duhur për pozicionin ë lënë bosh nga Nelson Semedo, që u transferua tek Wolverhampton për 30 milionë euro plus 10 milionë në formë bonusesh. Ai do të veshë fanellën me numër 2.
https://twitter.com/i/status/1311639933900206085
