Shorti i Nations League/ Greqia s’i ndahet Kosovës, njeh kundërshtarët edhe Maqedonia e Veriut
Edicioni i tretë e Nations League ka marrë udhë mbrëmjen e sotme në Nyon të Zvicrës, ku u hodh edhe shorti për fazën e grupeve. Kosova dhe Maqedonia e Veriut garojnë në Ligën C të këtij kompeticioni teksa shorti vendosi “dardanët” në Grupin 2 bashkë me Greqinë, Irlandën e Veriut dhe ekipin fitues mes Qipros e Estonisë.
Interesant është fakti se Kosova bie për të dytën herë radhazi në të njëjtin grup të Ligës së Kombeve me Greqinë, teksa me helenët u përball edhe në eliminatoret e Kupës së Botës, që përfunduan në muajin nëntor të këtij viti.
Liga C
Grupi 1: Ishujt Faroe, Lituani, Luksemburg, Turqi.
Grupi 2: Qipro/Estoni, Kosova, Greqi, Irlanda e Veriut.
Grupi 3: Kazakistan/Moldavi, Azerbajxhan, Bjellorusi, Sllovaki.
Grupi 4: Gjibraltar, Gjeorgji, Maqedoni e Veriut, Bullgari.
Liga D
Grupi 1: Letoni, Andorrë, Kazakistan/Moldavi, Lihtenshtejn.
Grupi 2: San Marino, Qipro/Estoni, Malta.
