Sondazhi i Sonket/ Kush bie nga Superiorja, tifozët shqiptarë nuk kanë dilema
Partizani-Laçi (17:45, Supersport 3) dhe Vllaznia-Kastrioti (17:45, Supersport 4) janë dy përballjet e fundit të javës së 27-të në Abissnet Superiore, që përkon edhe me fundin e fazës së tretë.
Garë e fortë po zhvillohet në fund, aty ku të gjithë skuadrat janë në lojë për të qëndruar në elitën e futbollit shqiptar, edhe pse Skënderbeu e Dinamo kanë mbetur disi pas.
Sonket ka kryer një sondazh në lidhje me dy skuadrat që do të bien nga Kategoria. Dy vendet e fundit do të luajnë sezonin e ardhshëm në të Parën, ndërsa vendi i tetë shkon në “play-out”.
Shumica e tifozëve kanë zgjedhur Skënderbeun e vendit të fundit si ekipin më të rrezikuar (46%), teksa janë të bindur që korçarëve do u bashkohet edhe Dinamo (38%).
18% e personave të pyetur në sondazh mendojnë se Kastrioti nuk do të jetë më mes më të mirëve, teksa vetëm 6% kanë zgjedhur Egnatian e Zekirija Ramadani.
