Verdiktet e mbetura, Legia e Muçit dhe Çelhakës do kualifikimin, Lazio vendin e parë
Në mbrëmje, në dy fasha oraresh, zhvillohet raundi i fundit i ndeshjeve të fazës së grupeve të Europa League-s, që do të zgjidhë edhe enigmat e fundit sa i përket renditjes përfundimtare dhe skuadrave që do të kualifikohen në fazat me eliminim direkt.
Kështu në orën 18:00, në SuperSport do të transmetohet tri sfidat të rëndësishme, duke nisur me atë të Grupit B, Real Sociedad-PSV Eindhoven. Ekipi spanjoll, me dy pikë më pak se ai holandez në renditje, është i detyruar të kërkojë fitoren për të mbetur në garë. Në këtë grup e ka siguruar vendin e parë Monaco.
Në Grupin C, praktikisht të gjitha skuadrat janë në lojë. Npaoli pret në stadiumin “Maradona” Leicester City-n, me synimin e vetëm fitoren, ndërsa në Legia e Varshavës do të ketë përballë, në kryeqytetin polak, Spartakun e Moskës, të cilin duhet ta mposhtë për të vijuar në fazën tjetër. Kjo ndeshje shfaq interes të veçantë për futbolldashësit shqiptarë, pasi te Legia aktivizohen Ernest Muçi dhe Jurgen Celhaka, dy ish-futbollistë të Tiranës, si dhe “dardani” Lirim Kastrari.
Në mbrëmje, në orë 21:00, Lazio do të sfidojë Galatasaray-n në stadium “Olimpico” më qëllimin për t’i rrëmbyer vendin e parë ekipit nga Stambolli, i cili aktualisht kryeson me tri pikë më shumë se bardhekaltrit. Skuadrës së Sarrit i mjafton fitorja për të luajtur direkt në fazën e 1/8-ave të kompeticionit.
Ndeshjet e raundit të fundit:
Antëerp – Olympiacos Piraeus (ora 18:45)
Fenerbahce – Eintracht Frankfurt
Legia – Spartak Moscow
Lyon – Rangers
Napoli – Leicester
Real Sociedad – PSV
Sparta Prague – Brondby
Sturm Graz – Monaco
Braga – Crvena Zvezda (ora 21:00)
Celtic – Betis
Ferencvaros – Bayer Leverkusen
Genk – Rapid Vienna
Lazio – Galatasaray
Ludogorets – Midtjylland
Marseille – Lokomotiv Moscow
Ëest Ham – D. Zagreb
