Spanja cakton stadiumin ku do të presë Kosovën më 31 mars
Ndonëse u fol gjatë që ndeshja mes Spanjës dhe Kosovës, e vlefshme për eliminatoret e Katar 2022 do të luhej në një stadium asnjanës, Federata Spanjolle e Futbollit njoftoi sot zyrtarisht emrin e impiantit që do të presë këtë sfidë.
Bëhet fjalë për stadiumin e Sevillas në Andaluzi, “La Cartuja”, një impiant me kapacitet prej 60 mijë vendesh, por kjo ka pak rëndësi, pasi shanset që sfida Spanjë-Kosovë të luhet me tifozë, janë thuajse zero.
Spanja nuk e ka njohur ende Kosovën si shtet i pavarur, ndaj fillimisht u mendua që ndeshja mes të dyjave, e planifikuar për më 31 mars, të luhej në një shtet tjetër, por ky opsion ra dhe “Furia Roja” do të presë “dardanët” në shtëpi.
🚨 OFICIAL | La @SeFutbol jugará en marzo en Granada y Sevilla.
🏟️ Los Cármenes | 🇪🇸 España 🆚 Grecia 🇬🇷
🏟️ La Cartuja | 🇪🇸 España 🆚 Kosovo 🇽🇰
⚽️ Los partidos serán clasificatorios para #Catar2022.
➡️ Más información: https://t.co/OVUIOwDzUw#SomosEspaña#SomosFederación pic.twitter.com/UFJDm77niq
— Selección Española de Fútbol (@SeFutbol) January 28, 2021
