Spanja, Thiago mbron Pique, Koke: Shqipërinë e mposhtim
Thiago Alcantara dhe Koke, ishin dy lojtarët e përzgjedhur nga Spanja për të dalë përpara mediave në konferencën e rradhës për shtyp përpara ndeshjeve kualifikuese ndaj Shqipërisë dhe Izraelit.
Mesfushori i Bayern Munich, më shumë sesa për sfidën ndaj kuqezinjëve dhe takimin tjetër kundër Izraelit, u ndal te cështja Pique duke i dalë në mbrojtje mbrojtësit të Barcelonës.
Thiago, theksoi se secili prej futbollistëve ka mendimet e tij por në skuadrën përfaqësuese nuk duhet të flitet për politikë,pasi të gjithë lojtarët kanë ardhur për të luajtur futboll dhe për të mbrojtur me sukses ngjyrat e Spanjës. Mesfushori i Atleticos së Madridit, Koke ndërkohë preferoi më shumë të fliste për sfidat e rradhës, duke nënvizuar se Spanja duhet të fitojë me cdo kusht ndaj Shqipërisë për të siguruar kualifikimin në Botërorin Rusi 2018.
