Starti i dobët/ Gerrard rrezikon shkarkimin, dy emrat që mund ta zëvendësojnë
Aston Villa nuk i ka përmbushur pritshmëritë deri tani. Skuadra nga Birmingemi numëron vetëm shtatë pikë në shtatë javët e para të sezonit 2022/2023 në Premier League.
Djemtë e Steven Gerrard kanë arritur vetëm dy fitore dhe ish-kapiteni i Liverpoolit rrezikon postin e tij nëse nuk vjen kthesa, duke filluar nga dueli i së dielës ndaj Leeds United në transfertë.
Football Insider zbulon edhe dy alternativat që preferohen nga drejtuesit e Aston Villa-s si pasardhësit e mundshëm të Gerrard.
Ata janë Mauricio Pochettino, i cili do e pranonte me kënaqësi rikthimin në ishull pas aventurës jo fort pozitive në stolin e PSG-së.
Tekniku argjentinas ka drejtuar më parë Southamptonin dhe Tottenhamin në Premier League. Emri tjetër është Unai Emery, aktualisht nën kontratë me Villarealin deri në fund të këtij sezoni.
