Sulmi nuk po funksionin si duhet, Atletico e sheh zgjidhjen tek… Icardi
Tek Atletico Madridi kanë nisur punën për përgatitjen e një skuadre të denjë për të përfaqësuar ngjyrat “rojiblanco” sezonin e ardhshëm. Morata ka siguruar vazhdimësinë e tij, por ka dyshime të mëdha sa i takon sulmit nga ana e drejtuesve. Klubi siguron se Griezmann u ka bërë me dije dëshirën e tij për të vijuar me Atleticon pavarësisht interesimit të Barcelones.
Nga ana tjetër, kartoni i kuq i Diego Costas ndaj katalanëve ishte pika e fundit që derdhi gotën e durimit e, me sa duket, vetë ai është i gatshëm të dëgjojë oferta njësoj si ajo që erdhi në drejtim të tij, në dhjetor, nga Kina.
Simeone e ka të qartë që Mauro Icardi mund të jetë zëvendësuesi perfekt i njërit prej të dyve, Costas ose Griezmannit, duke përfituar dhe nga situata qe ka lojtari tek Interi dhe marrëdhënia e mirë që ekziston mes Simeones dhe klubit zikaltër.
Qëllimi është të zgjidhin mungesën e golit, që, sipas stafit teknik, është problemi kryesor që ka shoqëruar sezonin aktual të madrilenëve. Nëse nuk realizohet transferimi i Icardit (përfaqësuesja e tij, Wanda Nara, ka biseduar me drejtuesit e Atleticos se Madridit), vëmendja do të shkojë për Lorenzo Insignen e Napolit apo dhe për talentin Jovic të Frankfurtit.
Synimi i “Los Colchoneros” është të kenë të gatshëm një sulm që të japë shpresë, për të aspiruar të gjithë titujt, veçanërisht në Europë.
