Sytë nga Nyoni, hidhet shorti i Champions dhe Europa League
Skuadrat që kanë avancuar në fazën me eliminim direkt të Champions dhe Europa League, do të njohin mesditën e sotme kundërshtarët, pasi në Nyon të Zvicrës do të hidhet edhe shorti, duek startuar nga ora 12:00.
Në ekranin e Supersport do të vijë drejtpërdrejtë shorti i Ligës së Europës, që do të startojë në orën 13:00, ndërsa skuadra si Interi, Napoli, Chelsea, Arsenali, Sevilla, etj. do të mësojnë sot kundërshtarët për fazën e 1/16-ave.
Për skuadrat e mëdha të këtij kompeticioni parashikohet një short deri diku i pranueshëm, përveç anglezeve dhe spanjolleve që rrezikojnë një përballje me Lazion e Simone Inzaghit, e cila u rendit në vendin e dytë.
Sa i përket Champions Leagues, është e pashmangshme që të shikojmë finale të parakohshme, pasi mes skuadrave që u renditën të dytat në grup, bëjnë pjesë edhe emra si Liverpool, Tottenham, Manchester United, Atletico Madrid dhe Roma.
