Tare punon në heshtje, Lazio transferon nga Verona sulmuesin e talentuar
Igli Tare vijon të punojë në heshtje për të përforcuar skuadrën e Lazios dhe së fundi ka siguruar shërbimet e sulmuesit anësor të Veronës, Matteo Cancellieri. Futbollisti 20-vjeçar debutoi këtë sezon me veronezët, duke luajtur 12 ndeshje, teksa mori ftesë edhe nga trajneri Mancini, duke veshur për herë të parë fanellën e përfaqësueses.
Tare punonte prej ditësh për shërbimet e sulmuesit dhe më në fund ia ka dalë të bindë Veronën, teksa paraditen e të enjtes janë prenotuar edhe vizitat mjekësore të Cancellierit, si hapi i fundit para se të hedhë firmën mbi kontratë.
Ndërkohë drejtuesi shqiptar i bardhekaltërve vijon turin e udhëtimeve, pasi ka marrë përsipër të sjellë në skuadër një portier për të zëvendësuar Strakoshën, një mbrojtës dhe një zëvendësues për Immobilen në sulm.
