Tension tek Atletico/ Tifozët ofendojnë Griezmann, shoku i del në mbrojtje (VIDEO)
Situatë e keqe dhe tension tek Atletico Madrid. Humbja 0-2 ndaj Villarealit u përjetua keq nga lojtarët e Diego Simeones, por edhe nga tifozët “Colchoneros”.
Pas fundit të ndeshjes, trajneri argjentinas urdhëroi lojtarët e stolit dhe ata që u futën si zëvendësues të kryenin disa ushtrime fizike në terrenin e “Wanda Metropolitana”.
Ndërkohë, një pjesë e tifozëve që nuk ishin larguar akoma nga stadiumi, të trishtuar nga humbja, filluan të ofendonin lojtarët e ekipit të zemrës.
Më i shënjestruari ishte Antoine Griezmann, të cilit i doli në mbrojtje Mario Hermoso. Qendërmbrojtësi spanjoll u revoltua nga fyerjet e tifozëve dhe nuk duroi më.
Ai reagoi dhe vetëm ndërhyrja e Kondogbias dhe forcave të sigurisë evituan përplasjen mes lojtarit dhe tifozëve të acaruar, pamje që janë bërë virale.
Tension i madh, por vetëm kaq për fat të mirë, pasi tifozët nisën të largoheshin dhe lojtarët e Atleticos vazhduan përgatitjet e tyre në fushën e blertë.
TESTONI NJOHURITË TUAJA RRETH PREMIER LEAGUE
QUIZ/ Premier League 2021-2022 – Sa mirë e kujtoni sezonin që sapo u mbyll?
