“The Sun”: Luis Enrique tek Arsenali, merr dhe Radja Nainggolan
Janë të shumtë emrat që përfliten si pasues të Arsene Wenger tek Arsenali. Duke nisur që nga Vieira, Allegri, Ancelotti, Sarri e deri tek Arteta, por sipas “The Sun” favoriti absolut (edhe sipas “bookmakersave”) mbetet spanjolli Luis Enrique.
Gazeta angleze shkon më tej, duke dhënë detaje të merkatos që ka ndërmend ish-trajneri i Romës dhe i Barcelonës. Nëse do të zyrtarizohet në krye të “Topçinjve” Luis Enrique, Arsenali do të hidhet në sulm për Radja Nainggolan. Mesfushori i Romës, që pëlqehet shumë edhe nga Manchester United dhe Liverpooli, mësohet se është kerkesa e parë dhe kryesore e asturianit për merkaton e Arsenalit.
I vlerësuar rreth 45 milionë stërlina (rreth 51 milionë euro), sipas “The Sun”, e ardhmja e mesfushorit të Kombëtares së Belgjikës do të jetë në Premier League.
