Tomislav Busic: Humbëm 2 pikë, goli? Nuk e di nëse duhej anuluar
Është golashënuesi i dytë më i mirë i këtij kampionati, pas Elis Bakajt, sulmuesi kryesor i Flamurtarit të Duros, i cili ndaj Kukësit shmangu humbjen, por nuk i dha fitoren skuadrës së tij. Ndjen keqardhje për rezultatin, sepse “kuqezinjtë” humbën një mundësi të mirë për të marrë vendin e dytë
“E kishim të vështirë në ndeshjen me Kukësin. Flamurtari e dominoi të gjithë ndeshjen, mbajtjen e topit dhe në fund na u anulua një gol, që nuk di ta përcaktoj nëse është ose jo i rregullt. Të gjithë jemi të mërzitur, sepse kemi humbur dy pikë.”
Kur pyetet për objektivat dhe rivalët e kampionatit, sulmuesi kroat është i sinqertë kur e konsideron Skënderbeun më të fortin e Superiores.
Skënderbeu është ekipi më i fortë i të gjithë kampionatit, por mendoj se Flamurtari, Kukësi dhe Partizani do të rivalizojnë për Europë. Edhe Kamza është aty afër, por do të shohim ndeshje pas ndeshjeje.
