Toronto nuk ndalet në merkato, firmos me mesfushorin e Juventus
Federico Bernardeschi është zyrtarisht lojtar më i ri Torontos.
Mesfushori italian është larguar përfundimisht nga Italia pas 10 sezonesh, ku në pesë të fundit ishte pjesë e Juventus.
Bernardeschi u prezantua këtë të premte në Amerikë, MLS, te skuadra e Torontos që godet përsëri në merkato duke”peshkuar” një tjetër italian.
Toronto ka njoftuar edhe termat e kontratës së 28-vjeçarit dhe lojtari ka firmosur për 4 vitet e ardhshme, pra deri në qershor 2026.
Federico është transferuar në Amerikë me parametra zero pasi kontrata e tij me Juventusin përfundoi këtë verë dhe palët nuk rinovuan.
Bernardeschi është lojtari i tretë që kalon nga Serie A në MLS këtë merkato, pas Lorenzo Insigne, me të cilin do të jetë shokë skuadre dhe Giorgio Chiellini te Los Angeles FC.
