Triumfoi ndaj McGregor, por Khabib mund të mos e marrë titullin kampion
Ngjarja e turpshme pas përfundimit të duelit me Conor McGregor mund t’i kushtojë fituesit të tij, Khabib Nurmagomedov. Ndaj sportistit nga Dagestani pritet të merren masa ndëshkuese me afat të shkurtër e të mesëm kohor.
Një prej masave disiplinore që mund të aplikohen ndaj Nurmagomedov është heqja e titullit në UFC, e ai që foli për këtë mundësi ishte vet presidenti Dana White.
“Nuk mund të flas me siguri të plotë që Khabib do të vazhdojë të jetë kampioni i UFC-së. Hetimi po kryhet nga Komisioni Atletik i Nevadës. Mund të ketë sanksione, gjoba, pezullime, mund të imagjinojmë gjithçka. Guvernatori ishte këtu dhe u largua duke vrapuar nga ndërtesa dhe kjo nuk është diçka e mirë. Çanta e Khabib është mbajtur nga Komisioni, derisa kjo çështje të zgjidhet. Conor McGregor e mori të tijën, pasi nga analizimi i videove u vërtetua se nuk bëri asgjë në atë incident”, tha tha Dana White.
Në të njëjtën kohë, presidenti i UFC-së konfirmoi se 3 anëtarë të stafit të Khabib Nurmagomedov u arrestuan për atë çfarë ndodhi mbrëmjen e së shtunës në Las Vegas.
