U ndëshkua me karton të verdhë pas mesazhit për Ukrainën, arbitrat në Angli marrin porosinë e veçantë
Momentet e vështira nëpër të cilat është duke kaluar Ukraina si pasojë e sulmit rus, ka bërë që pjesa më e madhe e globit të solidarizohet me kombin ukrainas. Sigurisht, edhe bota e futbollit ka përcjellë mesazhet e saj në mbështetje të Ukrainës duke përçuar mesazhin e fortë kundër luftës.
Ndërkohë, lojtari i Aston Villas, Matty Cash kishte menduar edhe një dedikim special pas golit ndaj Brighton teksa hoqi fanellën për të treguar bluzen e dedikuar ndaj bashkëkombasit të tij polak i cili aktivizohet në Ukrainë. Por, si pasojë e rregullores në momentin kur heq fanellën gjatë festës së një goli u ndëshkua me kartonë të verdhë.
Mirëpo, duke qenë se bëhet fjalë për një situatë të pazakontë si ajo që po kalon Ukraina, Federata e Futbollit në Angli ka marrë vendimin që lojtarët të cilët përçojnë mesazhe për ukrainasit dhe luftën të mos ndëshkohen më në momentin që heqin fanellën pas shënimit të një goli.
