Verstappen prek titullin kampion, rihapet edhe gara për konstruktorë
Kontinenti amerikan i sjell fat Max Verstappen, që pas triumfit në Austin, regjistron një tjetër sukses, këtë herë në Çmimin e Madh të Meksikës dhe kur kanë mbetur edhe 4 gara nga fundi, afrohet ndjeshëm me titullin kampion.
Piloti i Red Bull u nis i treti, por shumë shpejt përfitoi nga një vendosje e gabuar e Bottas dhe mori kryesimin, duke lënë pas dy makinat Mercedes, teksa distanca me Hamiltonin e vendit të dytë erdhi duke u rritur nga xhiroja në xhiro.
Nga ana tjetër, britaniku kampion në fuqi i botës, vuajti jo pak për të ruajtur vendin e dytë, pasi u kërcënua nga Sergio Perez në xhirot e fundit, ndërsa tani e sheh veten 19 pikë larg Max Verstappen e thuajse i dorëzuar në garën për titull.
Vetëm vendi i 5-të dhe i 6 për dy makinat Ferrari të Leclec dhe Sainz ndërsa Bottas e mbylli i 15-i, duke bërë që të rihapet edhe gara për konstruktorë, me Mercedes që tani ka vetëm një pikë më shumë se Red Bull.
