Vialli flet për sëmundjen e rëndë: Nuk e di kur do të fiket drita, por jam i emocionuar
“Kam frikë se mos vdes. Nuk e di kur do të fiket drita dhe se çfarë do të jetë në anën tjetër. Por, në njëfarë mënyre, jam gjithashtu i emocionuar ta zbuloj.”
Gianluca Vialli flet për sëmundjen e tij në një bashkëbisedim me Alessandro Cattelan në Netflix. Disa pjesë të bisedës janë publikuar nga e përjavshmja “Oggi”.
“E kuptoj gjithashtu që koncepti i vdekjes përdoret për të kuptuar dhe vlerësuar jetën. Ankthi i pamundësisë për të përfunduar të gjitha gjërat që dua të bëj, fakti i të qenit super i emocionuar nga të gjitha projektet që kam dhe dua të bëj, është diçka për të cilën ndihem shumë me fat. Sëmundja – thekson ish-sulmuesi i Kombëtares Italiane, Sampdorias dhe Juves – nuk është vetëm vuajtje. Ka momente të mrekullueshme. Sëmundja mund t’ju mësojë shumë për mënyrën se si jeni krijuar.”
