VIDEO/ Arbër Zeneli rikthehet me asist, Rashani shënon golin e radhës në Ligue 1
Arbër Zeneli dhe Elbasan Rashani janë dalluar sot në Ligue 1 me Reims dhe Clermont. Reims mori tre pikë fantastike pas fitores 1-2 në Principatë kundër Monacos.
Ylli dardan, i cili u rikthye në fushë pas gjashtë muajsh duke u futur si zëvendësues dhjetë minuta nga fundi, dhuroi asistin e golit të fitores për ekipin e tij. Ishte minuta e 93-të kur Zeneli tregoi klas dhe altruizëm.
27-vjeçari u fut bukur në zonën kundërshtare, teksa zgjodhi të pasojë për 19-vjeçarin Nathanael Mbuku, i cili nuk e pati të vështirë të dërgonte topin në rrjetë.
Joli centre de Zedadka et derrière Rashani en une seule touche met la balle au fond.
Très beau but pour Clermont #CF63FCGB https://t.co/KcJVRzouk5— Chebli Ishaq (@IshaqChebli) February 27, 2022
Clermont-Bordeaux përfundoi në barazim 1-1. Golin e ekipit vendas e realizoi Rashani pas gjysmë ore lojë. Sulmuesi i Kosovës finalizoi bukur, duke barazuar përkohësisht rezultatin dhe duke gjetur golin e gjashtë në Ligue 1.
Quiz/ Sa mirë e njihni Ligue 1?
