VIDEO/ Conte mania! “Pi birra dhe urren Chelsea”, tifozët e Tottenham të dashuruar me trajnerin
Antonio Conte mori drejtimin e Tottenham më 2 nëntor dhe ndryshimi në skuadrën londineze dallohet. Spurs është rikthyer te rezultatet pozitive dhe me trajnerin italian në stol numëron 4 fitore dhe 2 barazime në kampionat.
Tottenham renditet në vend të pestë, Arsenali i vendit të katërt është 6 pikë larg, por djemtë e Contes kanë luajtur tre ndeshje më pak se “Topçinjtë”. Tifozët e Tottenham kanë rënë në dashuri me Conte, të cilit i kanë dedikuar një kor.
“Ushqehet me spageti, pi birra Moretti dhe urren Chelsea”, dëgjohet në thirrjet e tifozëve të skuadrës londineze.
52-vjeçari nga Lecce po përjeton aventurën e dytë në ishull pas aventurës me Chelsea, ekip të cilin e drejtoi në vitet 2016-2018, duke fituar një titull kampion dhe një FA Cup.
Antonio Conte, he eats Spaghetti, he drinks Moretti, he hates fucking Chelsea 🎶🎶🎶🎶🎶 #coys pic.twitter.com/G7cVCv80X7
— Dorps (@N17Dorps) December 22, 2021
