VIDEO/ Gol me stilin e akrepit, kjo çmenduri vjen nga Australia
S’është e thënë të jesh Ronaldo, Messi apo Neymar për të bërë gjëra të mëdha e të pazakonta në fushat e futbollit. Një gol që do ta kishin zili “yjet” e futbollit është shënuar në Australi, në sfidën mes Western United dhe WS Wanderers, që përfundoi me fitoren 3-2 të vendësve.
Ishte minuta e 68-të e takimit, kur Ben Garuccio, mbrojtës i majtë, realizoi një gol të pazakontë me stilin akrep. Një finalizim që do të mbahet mend gjatë për shkallën e vështirësisë dhe vendimin e guximshëm për të ten tentuar në atë mënyrë.
I njëjti futbollist kishte shënuar edhe golin e 2-o në fundin e pjesës së parë, i shërbyer po nga Prijovic. WS Wanderers shkurtuan në 3-2 diferencën, por pa mundur të shmangnin humbjen. Kjo ndeshje, përtej rezultatit, do të mbetet në histori pikërisht për këtë gol të jashtëzakonshëm të Garuccios.
Western United kryeson A-League në Australi me 23 pikë në 12 ndeshje.
