VIDEO/ Goli i katërt sezonal, talenti kuqezi realizon një perlë në Angli
Për të dytën ndeshje radhazi në Ligue One të Anglisë, Anis Mehmeti ia del të gjejë rrugën e rrjetës. Talenti 21-vjeçar i Shpresave që aktivizohet me Wycombe, ishte autor i vetëm i golit për skuadrën e tij në barazimin 1-1 në transfertë ndaj Fleetwood.
Mesfushori me tipare sulmuese zhbllokoi ndeshjen në minutën e 39-të pas një inkursioni personal nga krahu i majtë teksa kaloi kundërshtarët dhe depërtoi në zonë, aty ku me një goditje preçize ndëshkoi portierin e Fleetwood.
Për fat të keq, Wycombe nuk mundi ta ruante deri në fund avantazhin që i dhuroi Mehmeti dhe u barazua në fraksionin e dytë teksa pas shtatë ndeshjeve të para, ekipi gjendet me tetë pikë të grumbulluara në vendin e tetë. Mehmeti është shndërruar në një lider te Ëycombe teksa në këto shtatë ndeshje, ka realizuar katër gola.
