VIDEO/ “Mirë se vjen në La Liga”, Araujo i jep “leksion” Rudiger
El Clasico mbetet El Clasico edhe pse bëhet fjalë për thjesht një miqësore nga ato të verës në Amerikë. Real Madrid-Barcelona dhurojnë gjithnjë spektakël, por edhe shumë tension e ndeshja e zhvilluar në Las Vegas dhe që u mbyll me triumfin 0-1 të balugranave nuk i shpëtoi casteve nevrike.
Protagonist ishte Ronald Araujo i cili i tregoi “muskujt” Antonio Rudiger duke e mbërthyer me të gjithë forcën mbrojtësin e sapo transferuar te Reali. Gjithsesi, për të mos e lënë vetëm tek nervat, Araujo i tregoi edhe “targat” Rudiger teksa në një moment e “parakaloi” në krahun e majtë me gjermanin që nuk kishte shumë për të bërë veçse të shihte nga larg se si largohej kundërshtari.
Kështu, në vetëm një miqësore vere, mbrojtësi i Barcelonës i tregoi Rudiger se çfarë e pret gjatë sezonit kur të dyja skuadrat të përballen në La Liga dhe objektivat të jenë shumë të më rëndësishme.
