Xavit i duhet eksperiencë, Barcelona projekton një goditje falas në mbrojtje
Merkato e Barcelonës është përqendruar në Premier League. Xavi kërkon Thiago Alcantarën e Liverpool, teksa ka interesim dhe për Christian Pulisic të Chelsea.
Mesfushori katalanas mund të rikthehet në shtëpi, ndërsa amerikani i “Bluve të Londrës” pëlqehet për faktin që mund të mbulojë disa pozicione në repartin ofensiv.
ESPN raporton se klubi katalanas pëlqen një tjetër lojtar të kampionëve të Europës: Cesar Azpilicuetën. Kapiteni i Chelsea ndodhet në vitin e fundit të kontratës.
Prej janarit mund të fillojë negociatat me drejtuesit e Barcelonës, ekip ku pritet të transferohet me parametra zero në fund të sezonit.
32-vjeçari iberik është pjesë e Chelsea prej vitit 2012, teksa mund të luajë në dy krahët e mbrojtjes dhe në qendër të këtij reparti.
