Zbulohet plani B i Barcelonës nëse dështon afrimi i Haaland
Barcelona është duke menduar seriozisht për merkaton e verës dhe forcimin e sulmit të tyre. Targeti kryesor i klubit “blaugrana” është norvegjezi i Borussia Dortmund, Erling Haaland.
Gara për Haaland do jetë shumë e vështirë, duke ditur se të gjithë gjigantët evropianë janë të interesuar për kartonin e tij.
Gjendur në një situatë të tillë, që ia vështirëson punën katalanasve, nga “Sport” raportohet se ata kanë menduar edhe për plan B.
Pra në rast se afrimi i norvegjezit do të dështojë, atëherë Barcelona raportohet se do të tentojë transferimin e Alexander Isak, i cili aktualisht është pjesë e Real Sociedad, dhe Jules Kounde, që momentalisht ndodhet te Sevilla.
Megjithatë do duhet të pritet merkato e verës që të shihet nëse Barça do ia dalë që të vërë në zbatim ndonjërin prej këtyre planeve.
