Ze Maria: Fitore e rëndësishme, Karabeci mbetet kapiteni ynë
Trajneri i Tiranës, Ze Maria, u shfaq i qeshur pas fitores me Kastriotin në transfertë. Sipas brazilianit, Tirana po nis një periudhë te re.
Arritët një fitore të rëndësishme…
Më e rëndësishmja ishte fitorja. Ne vuajtëm shumë, por morëm 3 pikë.
Morët përgjigjet e duhura nga lojtarët?
Pavarësisht skuadrës që kemi përballë ne duhet të jemi në fushë për ta fituar takimin. Pas derbit kjo ishte fitore e rëndësishme.
Përsëri ndryshuat formacionin, arsyeja?
Kjo është zgjidhja ime për t’u dhënë freski lojtarëve. Hoxhallari dhe Hasani i kanë luajtur të gjitha ndeshjet dhe u dhashë mundësi të pushonin.
Pas golit të dytë, Blazhevski u përqafua me ju. Tregon ky veprim unitet?
Ishte gjë e bukur, që e bëri. Ne folëm me grupin dhe vendosëm të linim gjithçka pas dhe të fillonim një përiudhë të re sot. Pas asaj disfate në derbi nuk ishte situatë e qetë, ne kemi folur shumë.
Karabeci luajti titullar, a e justifikoi veten?
Karabeci ka qenë gjithmonë kapiteni ynë. Ai është i rëndësishëm për grupin dhe për ju, gazetarët.
